DƏHŞƏTLİ QƏTL: Sevgi etirafı edən qadının BAŞINI KƏSDİ

Braziliyada bir qadın kişiyə sevgisini etiraf edib, bundan sonra isə kişi onu öldürüb.

Publika.az xəbər verir ki, bu barədə "Metropoles" məlumat yayıb.

Bildirilib ki, hadisə dekabrın 23-də Braziliyanın kənar bölgəsi olan Taguatinga Norte-də baş verib. Lidianа Paula və “Bayano” ləqəbli Leandro Rodrigues dos Santos təxminən bir il ərzində mürəkkəb, amma yaxın münasibətdə olublar. Lakin hadisə baş verən gün səhər kişi partnyoruna bıçaqla hücum edib.

Qadın onu dayandırmağa çalışıb və mərhəmət diləyərək qışqırıb: “Bayano, mən səni sevirəm!”. Amma o, zərbələr endirməyə davam edib və sonda onun başını kəsib.

Polis əməkdaşları qadının cəsədini məişət zorakılığı barədə çağırışdan sonra tapıblar.

Məlumata görə, cəmi 11 gün əvvəl (12 dekabrda) Taguatinga məhkəməsi Santosu Lidianaya qarşı döymə və hədələrinə görə 2 il 7 ay həbs cəzasına məhkum etmişdi. Lakin məhkəmə qərarı səhvən ləğv olunub və kişi azadlığa buraxılıb.

Bayano, üzərində qurbanın qanı olan geyim və əlləri ilə hadisədən bir neçə dəqiqə sonra saxlanılıb və cinayət aləti müsadirə olunub. Gözlənilir ki, bu dəfə o, uzun müddət məhkəmə sisteminin ixtiyarında qalacaq.

Hüseyn İbadlı