Şirkətini satıb işçilərinə 240 milyon dollar payladı
Bizi izləyin
Aptekonline

Dünya

Şirkətini satıb işçilərinə 240 milyon dollar payladı

ABŞ-ın Luiziana ştatında fəaliyyət göstərən "Fibrebond" şirkətinin satışı işçilər üçün böyük maddi qazanca çevrilib. Şirkətin sahibi Qrem Uolker satışdan əldə olunan gəlirin 15 faizini işçilərə paylayıb.

Publika.az xəbər verir ki, bu barədə “Wall Street Journal” məlumat yayıb.

"Fibrebond" enerji idarəetmə şirkəti olan "Eaton"-a 1,7 milyard dollara satılıb. Bu qərar nəticəsində 540 tam ştatlı işçi ümumilikdə 240 milyon dollar bonus əldə edib.

Bildirilir ki, orta hesabla hər işçiyə 443 min dollar düşüb. Bonuslar işçilərin şirkətdə ən azı beş il qalması şərti ilə mərhələli şəkildə ödəniləcək. Uzun müddət çalışan əməkdaşlar isə daha yüksək məbləğlər alacaqlar.

Qeyd edək ki, "Fibrebond" Luiziananın Minden şəhərində Uolker ailəsi tərəfindən təsis edilib və elektrik avadanlıqları üçün korpus hissələrinin istehsalı ilə məşğuldur.

Roza

Oxumağa davam et
Reklam
Reklam

Gündəm

Aptekonline