İdman

PSJ Luis Enrikeyə bu qədər maaş təklif edir

2 Aprel 2026 19:48

PSJ baş məşqçisi Luis Enrikenin müqaviləsini uzatmaq üçün danışıqları sürətləndirib.

Publika.az xəbər verir ki, Fransa klubunun rəhbərliyi ispan mütəxəssisin komandada yaratdığı dəyişikliklərdən çox razıdır. Enrikenin rəhbərliyi altında PSJ Avropanın ən güclü komandalarından birinə çevrilib.

Paris klubu onunla müqaviləni 2030-cu ilin iyununa qədər uzatmağı planlaşdırır.

“Mançester Yunayted”in marağı ilə bağlı şayiələrə baxmayaraq, Enrike Fransada qalmaq istəyir və PSJ-də işini davam etdirməyə müsbət yanaşır.

“L’Equipe” nəşrinin məlumatına görə, klub baş məşqçiyə illik 20 milyon avro məvacib təklif edəcək. Bu baş verərsə, Enrike dünyanın ən çox qazanan məşqçilərindən birinə çevrilə və hətta PSJ-də ən yüksək maaş alan şəxs ola bilər.

Qeyd edək ki, PSJ bu mövsüm Çempionlar Liqasının qalibi titulunu qorumağa çalışır. Komanda 1/4 final mərhələsində qarşıdakı həftə “Liverpul”la üz-üzə gələcək.