Dünya

Müəllim qız şagirdlərini evinə apardı və onları məcbur etdi ki... - FOTOLAR

8 Yanvar 2026 18:00

Türkiyənin İzmir şəhərinin Bornova rayonunda yerləşən peşə təhsili mərkəzində çalışan müəllim ilə bağlı istintaq başladılıb.

Publika.az Türkiyə mətbuatına istinadən xəbər verir ki, iddialara görə, türk dili və ədəbiyyatı müəllimi 4 noyabr 2025-ci ildə altı 16 yaşlı qız şagirdi dərs saatlarında şəxsi avtomobili ilə yeni köçdüyü evə aparıb.

Bildirilir ki, şagirdlər burada təmizlik işləri görməyə, əşyalar daşımağa və qablaşdırmağa məcbur ediliblər. Valideynlər uşaqların təhsil hüququnun pozulduğunu, hadisənin onların razılığı olmadan baş verdiyini və şagirdlərə gün ərzində yemək və nəqliyyat təmin edilmədiyini iddia ediblər.

Şikayət ərizəsinə müəllimin evində çəkildiyi bildirilən fotoşəkillər də əlavə olunub. Həmin görüntülərdə siqaret və spirtli içki şüşələrinin yer aldığı qeyd edilir.

Valideynlər hadisənin Milli Təhsil Əsas Qanunu və Uşaqların Müdafiəsi Qanununa zidd olduğunu bildiriblər. Faktla bağlı araşdırma aparılır.

Roza