Dünya

Kadırovun oğlu qəzaya düşdü: Həmzət Çimayev öldü? - YENİLƏNDİ

17 Yanvar 2026 01:00

Çeçenistan rəhbəri Ramzan Kadırovun oğlu Adəm Kadırovun düşdüyü qəza ilə bağlı daha bir məlumat yayılıb. UFC döyüşçüsü Həmzət Çimayevin də qəzaya uğrayan maşında olduğu iddia edilib.

Publika.az xəbər verir ki, dəhşətli qəzada ölən şəxsin də Çimayev olduğu bildirilib.

Ancaq Çimayevin yol qəzasında həlak olması barədə yayılan məlumatlar daha sonra təkzib edilib. İdmançıya yaxın mənbələr hazırda onun Dubayda olduğunu və səhhətində heç bir problem olmadığını bildiriblər.

***

Çeçenistan rəhbəri Ramzan Kadırovun oğlu Adəm Kadırovun olduğu kortej qəzaya uğrayıb.

Publika.az xəbər verir ki, bu barədə "Telegram" kanalları məlumat yayıb.

Məlumata görə, hadisə Qroznıda baş verib. Qəza nəticəsində 1 nəfər ölüb, Adəm Kadırov xəsarət alıb. Ölən şəxsin kimliyi açıqlanmayıb. Kadırovun oğlu isə xəstəxanaya yerləşdirilib. Onun vəziyyəti ağırdır. Hazırda reanimasiyada olan Adəm Moskvaya təxliyə ediləcək.