Çox gözəldir: Sosial media bu manyakdan danışır

Cənubi Koreyada iki gənci qətlə yetirən 20 yaşlı qatil həbs edilib.

Publika.az xəbər verir ki, bu barədə “Mothership” məlumat yayıb.

Kim adlı qadın 19 fevralda həbs edilib. 2025-ci ilin dekabrı ilə 2026-cı ilin fevralı arasında o, üç kişinin içkisinə narkotik qarışıq əlavə edib.

Birinci qurban iki gün komada qalsa da, sağ qalıb, digər ikisi ölüb.

Polis həbs olunan qadının şəxsiyyəti barədə məlumat verməsə də, internet istifadəçiləri onun sosial media səhifəsini aşkar ediblər. Bundan dərhal sonra qatil gözəlliyi ilə məşhurlaşıb. Kişilər ona sevgilərini bildirməyə başlayıblar.

Həbs olunmazdan əvvəl təxminən 200 izləyicisi olan Kimin hesabı bir neçə gün ərzində 10.000-dən çox yeni izləyici qazanıb. Müstəntiqlər artıq Kimin ölümcül narkotik qarışığının necə hazırlanması barədə məlumat axtardığına dair dəlillər tapıblar.

İlkin dindirmə zamanı o, zərərçəkmişlərin içkilərinə "mübahisədən sonra onları yuxuya vermək" üçün narkotik maddə atdığını bildirib. Polis hazırda Kimin əlavə qurbanlarının olub-olmadığını araşdırır. Onun cinayət törətməsinin motivi hələ müəyyən edilməyib.

Tural