Müharibə bundan sonra başlayır: İrana ordu girə bilər - Tramp planı açıqladı

Donald Tramp Ağ Evdə çıxışı zamanı İranın raket proqramının inkişafını ABŞ-ın təhlükəsizliyi üçün "böyük təhdid" adlandırıb.

Publika.az xəbər verir ki, Tramp İranda quru əməliyyatlarını da istisna etməyib.

“İranın ənənəvi ballistik raket proqramı sürətlə irəliləyərək, ABŞ və xaricdəki qüvvələrimiz üçün açıq və nəhəng bir təhlükə yaradıb”, - Tramp bildirib.

Prezidentin sözlərinə görə, əməliyyat başlayanda Tehranın arsenalında artıq Avropanı və ABŞ-ın bölgədəki hərbi bazalarını vura bilən raketlər var idi. Bundan əlavə, İran ABŞ ərazisi üçün təhlükə yaradacaq qitələrarası raketlər hazırlamağa yaxın idi.

Donald Tramp daha əvvəl ABŞ-ın İrana qarşı hərbi əməliyyatının vaxtını müzakirə etmişdi. O, əməliyyatın dörd-beş həftə davam edə biləcəyini, lakin uzadıla biləcəyini demişdi.

"Əvvəlcə dörd-beş həftə proqnozlaşdırmışdıq. Lakin daha uzun müddət davam etmək potensialımız var", - deyə siyasətçi qeyd edib.

Bundan əlavə, Donald Tramp zərurət yaranarsa, İranda quru əməliyyatı keçirməyi istisna etmir. Bununla belə, Ağ Ev rəhbəri əlavə edib ki, belə bir hərbi əməliyyat "çox güman ki, zəruri olmayacaq".

“Quru əməliyyatı üçün qoşun göndərməyə heç bir etirazım yoxdur. Digər prezidentlər deyirlər ki, "Yerüstü əməliyyatlar olmayacaq". Mən bunu demirəm”, - Tramp vurğulayıb.

Lakin onun emosional açıqlamaları bununla bitməyib. Tramp sosial mediada iddia edib ki, əgər ABŞ Tehranın nüvə proqramı üzrə Birgə Hərtərəfli Fəaliyyət Planından (JCPOA) çıxmasaydı, İran üç il əvvəl nüvə silahı əldə edə bilərdi.

“Əgər Barak Obamanın İranla bağladığı dəhşətli nüvə sazişini (JCPOA) cırmasaydım , İran üç il əvvəl nüvə silahına sahib olardı", - Tramp deyib.

Tural