Bolqarıstanda siyasi xəritə dəyişir: Seçkilərdə elə şeylər baş verdi ki...

Bolqarıstanda keçirilən növbədənkənar parlament seçkilərində siyasi mənzərə tamamilə dəyişib. Eks-prezident Rumen Radevin rəhbərlik etdiyi qüvvələr rəqiblərinə böyük üstünlüklə qalib gəlib.

Publika.az xəbər verir ki, Mərkəzi Seçki Komissiyasının protokolların 68,34%-nin emalından sonra açıqladığı rəsmi nəticələr ölkədə böyük səs-küyə səbəb olub.

Son məlumatlara görə, Rumen Radevin "Proqressiv Bolqarıstan" koalisiyası 44,48% səs toplayaraq inanılmaz bir fərqlə liderliyə yüksəlib. Bu nəticə rəqib bloklar üçün gözlənilməz zərbə hesab olunur.

Seçkilərdə digər yerlər belə bölünüb: "Dəyişikliklərə davam" və "Demokratik Bolqarıstan" bloku - 14,002%; GERB və Demokratik Qüvvələr İttifaqı - 13,104%.

Siyahıda növbəti yerlərdə "Haqq və Azadlıqlar Hərəkatı" və "Dirçəliş" partiyası qərarlaşıb.

Qeyd edək ki, 240 yerlik parlament uğrunda 14 partiya və 10 koalisiya mübarizə aparır. Hazırda səslərin sayılması davam edir və yekun nəticələrin siyasi xəritəni tamamilə dəyişəcəyi gözlənilir.

Müəllif: Adəm