Messinin Antonellası geyimi ilə hər kəsi heyran etdi - FOTOLAR

“İnter Mayami”nin futbolçusu Lionel Messinin həyat yoldaşı Antonella Rokusso Nyu-Yorkda "Tiffany & Co"nun yeni kolleksiyasının təqdimatında əsas ulduzlardan birinə çevrilib.

Publika.az xəbər verir ki, 38 yaşlı argentinalı tədbirə zərif tünd göy maksi-libasda qatılıb. Dar üst hissə və pərdə ilə bəzədilmiş geyimin əsas vurğusu onun tam açıq kürəyi olub və bu, onun incə siluetini ön plana çıxarıb.

Paylaşılan görüntülərdə Antonella Rokusso kameralar qarşısında inamla poz verərək həm klassik, həm də cəsarətli üslub nümayiş etdirib. O, obrazını brendə məxsus iri kulon, bilərzik və üzük kimi klassik zinət əşyaları ilə tamamlayıb.

Onun görünüşü tədbir iştirakçılarının və sosial şəbəkə istifadəçilərinin diqqətini cəlb edib. Bir çoxları onun obrazında müasir üslubla birləşən zərif lüksü qeyd ediblər.

Publika.az

View this post on Instagram

A post shared by Antonela Roccuzzo (@antonelaroccuzzo)