ABŞ İranla bağlı yeni sanksiya paketini açıqladı - Siyahıda onlar da var

Vaşinqton administrasiyası İran neftinin Çinə satışını və daşınmasını təşkil etməklə İran İnqilab Keşikçiləri Korpusunu (SEPAH) maliyyələşdirdiyi iddia olunan 12 şəxs və qurumu “qara siyahı”ya salıb.

Publika.az xəbər verir ki, bu barədə ABŞ Maliyyə Nazirliyi məlumat yayıb.

Bildirilib ki, sanksiyalar İranın neft gəlirlərini gizlətmək və beynəlxalq şirkətlər vasitəsilə rejimə ötürməkdə iştirak edən şəbəkələri hədəf alır.

Sanksiya siyahısına İranın neft əməliyyatlarında iştirak etdiyi deyilən bir sıra yüksək vəzifəli şəxslərlə yanaşı, Honkonqda fəaliyyət göstərən şirkətlər də daxil edilib. ABŞ həmin şirkətlərin tankerlər vasitəsilə milyonlarla dollarlıq neft ticarətində rol oynadığını iddia edir.

Qərar Körfəz regionuna da təsir edib. BƏƏ və Omanda yerləşən logistika və ticarət şirkətləri də sanksiyalara məruz qalıb. ABŞ bu qurumların İran neftinin daşınması və müqavilələrin təşkilində iştirak etdiyini açıqlayıb.

Yeni məhdudiyyətlər çərçivəsində adı çəkilən şəxslərin və şirkətlərin ABŞ-dakı aktivləri dondurulacaq, onlarla ticarət əlaqələrinə qadağalar tətbiq olunacaq.

Müəllif: Roza