Bu, hər kəs üçün qlobal kabusa çevriləcək - Hakan Fidan

Türkiyə müvafiq təşəbbüs göstəriləcəyi təqdirdə Hörmüz boğazının minalardan təmizlənməsinə kömək etməyə hazırdır.

Publika.az xəbər verir ki, bunu Türkiyənin xarici işlər naziri Hakan Fidan bunu Koreya Respublikasının "JTBC" televiziya kanalına verdiyi müsahibədə bildirib:

"Biz həll yolu axtarışının bir hissəsi olmağa və xahiş olunarsa, qarşı tərəflər arasında davam edən bu prosesi asanlaşdırmağa hazırıq. Beləliklə, tərəflər arasında razılıq əldə olunarsa və ya bizdən boğazın minalardan təmizlənməsi prosesinə töhfə verməyimiz istənilərsə, bunu məmnuniyyətlə edəcəyik".

Fidan Hörmüz boğazının tam açılması perspektivlərindən də danışıb. O diqqətə çatıdırıb ki, əvvəlcə ABŞ və İran arasında danışıqlar nüvə məsələləri ətrafında getsə də, hazırkı vəziyyət Hörmüz boğazının statusunu daha da aktuallaşdırıb.

"Bəzi hesablamalara görə, Hörmüz boğazı daha bir neçə ay bağlı qalarsa, bəzi Afrika ölkələri ərzaq çatışmazlığı ilə üzləşəcək. Bu, hər kəs üçün qlobal kabusa çevriləcək. Buna görə də hər iki tərəf Hörmüz boğazının açılmasına diqqət yetirməyə və daha sonra nüvə danışıqlarına keçməyə can atır", - Fidan vurğulayıb.