Məzuniyyət əvəzinə pul almaq istəyənlərə - XƏBƏRDARLIQ

Məzuniyyəti pulla əvəz edib işləməyə davam etmək qanunla mümkün deyil. Lakin bəzi hallarda işçilər məzuniyyət günlərinə görə kompensasiya ala bilərlər.

Publika.az “Mk.ru”ya istinadən xəbər verir ki, ekspert Mariya İvatkinanın sözlərinə görə, işdən çıxan zaman işçiyə toplanmış bütün məzuniyyət günlərinə görə kompensasiya ödənilməlidir.

O bildirib ki, bu, işçinin qeyd-şərtsiz hüququdur. İşçi əmək fəaliyyətini davam etdirirsə, yalnız 28 gündən artıq olan məzuniyyət günlərinin pulla əvəzlənməsi mümkündür. Bu qayda uzadılmış məzuniyyət hüququ olan müəllimlərə, tibb işçilərinə, alimlərə, əlilliyi olan şəxslərə və digər kateqoriyalara şamil edilir. Lakin bu halda qərarı işəgötürən verir.

Hamilə qadınlar, yetkinlik yaşına çatmayanlar və zərərli istehsalat sahələrində çalışan şəxslər üçün isə məzuniyyətin pulla əvəzlənməsinə icazə verilmir.

Ekspert əlavə məzuniyyət günləri toplanan şəxslərə məzuniyyəti hissələrə bölməyi də məsləhət görüb. Belə ki, məzuniyyəti cümə günündən bazar gününədək rəsmiləşdirməklə həftəsonu günlərinə görə də məzuniyyət ödənişi almaq mümkündür. Lakin əvvəlcə ən azı 14 günlük fasiləsiz məzuniyyətdən istifadə edilməlidir.

Müəllif: Roza