Batistuta Maradona ilə Messini müqayisə etdi

Argentinalı futbol əfsanəsi Qabriel Batistuta həmyerliləri Dieqo Maradona və Lionel Messini müqayisə edib.

Publika.az xəbər verir ki, Batistuta “FONtour” şousunda deyib:

“Onlar iki fərqli dövrü təmsil edirlər. Messi Dieqodan daha çox qol vurur. Dieqo topu ötürməyə üstünlük verirdi və komanda üçün daha çox çalışırdı. Messi qol vurandır. O, meydanda gəzir və hücumun qolla bitməsini təmin etmək üçün hər şeyi edir. Dieqo fərqli idi. Biz argentinalılar şanslıyıq ki, hər ikisini görmüşük.

Rəqəm baxımından Messi çoxdan Maradonaı geridə qoyub. Xarakter baxımından Messi daha dürüst və intizamlıdır. O, yaxşı insandır, yaxşı ailəsi var. Digər tərəfdən, Dieqo ətrafındakı hər şeyi tamaşaya çevirirdi.

Argentinalılar üçün mübahisə hələ də bərabərdir, 50-50. Messinin Dünya Kubokunu qazanmasını və Maradonadan daha yaxşı, yoxsa pis olduğunu müəyyən etməsini gözləmədik . Onlar həmişə yaxın idilər, çünki hər ikisi böyük bir şeyə nail oldular.

Messi möhtəşəm komandalarda oynayırdı, Dieqo isə tez-tez demək olar ki, təkbaşına qələbə qazanırdı. Maradona əvvəllər heç kimin etmədiyini etdi. İndi isə Messi əvvəllər heç kimin etmədiyini edir”.