Tramp etiraf etdi: İranla müharibənin əsl səbəbi...

ABŞ prezidenti Donald Tramp İranla müharibənin əsas səbəbinin ölkəsinin təhlükəsizlik maraqları olmadığını etiraf edib.

Publika.az xəbər verir ki, Tramp Ağ Evdə keçirilən şam yeməyində çıxışı zamanı bildirib ki, İranla müharibəni Yaxın Şərqə və İsrailə yardım etmək, həmçinin ABŞ-ın öz təhlükəsizliyini qorumaq üçün aparırlar.

“Çünki İran böyük məmnuniyyətlə İsraili və daha sonra Yaxın Şərqi məhv etdikdən sonra Avropanın və bəzi şəhərlərimizin də ardınca gedə bilərdi. Biz onların öhdəsindən gələnə qədər bir neçə şəhəri xəritədən silə bilərdi”, - deyə Tramp vurğulayıb.

ABŞ lideri İranın hərbi gücünün böyük ölçüdə məhv edildiyini iddia edib. Onun sözlərinə görə, İran donanması və hava qüvvələri sıradan çıxarılıb, silah arsenalının böyük hissəsi məhv edilib, ölkə rəhbərliyinin də ciddi itkiləri var.

Tramp İran iqtisadiyyatının da ağır vəziyyətdə olduğunu bildirərək, ölkədə inflyasiyanın 300 faizə yaxınlaşdığını və İran valyutasının dəyərsizləşdiyini söyləyib.

Müəllif: Roza