Trampı Ankarada təyyarədən qaçıran avtomobilin sahibi bu türk imiş

ABŞ prezidenti Donald Trampın Ankarada keçirilən NATO sammitindən sonra ölkəsinə qayıdarkən baş verən hadisə ilə bağlı diqqətçəkən detallar ortaya çıxıb.

Publika.az xəbər verir ki, bu barədə “Haber7” məlumat yayıb.

Bildirilib ki, Trampın təyyarəsinə İran tərəfindən hücum təhlükəsi barədə kəşfiyyat məlumatı daxil olub. Bundan sonra o, kameralar qarşısında “Air Force One”-a minsə də, daha sonra gizli şəkildə təyyarədən çıxarılaraq “Do&Co” şirkətinə məxsus xidmət maşını ilə başqa ABŞ təyyarəsinə keçirilib.

Tramp hadisə ilə bağlı “Gizli Xidmətin göstərişinə əməl etdim, düşünürəm ki, bir təhlükə var idi” deyib.

Trampı uçuş-enmə meydanında daşıyan avtomobilin bağlı olduğu şirkətin Türkiyə vətəndaşı, Avstriyanın tanınmış iş adamı Atilla Doğudana məxsus olduğu bildirilir. 1981-ci ildə Vyanada yaradılan şirkətin sahibinin sərvətinin 93 milyard lirə olduğu vurğulanıb.

Hadisə ilə bağlı hazırlanan “The Decoy Plane” adlı sənədli filmdə isə təyyarə dəyişdirmə əməliyyatının Trampdan başqa heyətdə heç kimə məlum olmadığı qeyd olunub.

Müəllif: Roza