İsraildə Türkiyənin Hərbi Dəniz Qüvvələri ilə bağlı təşviş - Məlumat sızdırıldı

İsrail təhlükəsizlik rəsmiləri Türkiyə Hərbi Dəniz Qüvvələrinin sualtı qayıq imkanlarının genişlənməsini əsas gətirərək ölkənin sualtı qayıq donanmasının 8-ə çatdırılmasını tövsiyə edib.

Publika.az xəbər verir ki, bu barədə İsrail Ordu Radiosu məlumat yayıb.

Bildirilib ki, hazırda Türkiyənin 14 əməliyyat qabiliyyətli sualtı qayığı var və bu sayın qarşıdakı illərdə 18-ə yüksələcəyi gözlənilir. İsrailin isə hazırda 5 sualtı qayığı mövcuddur, 6-cı sualtı qayığın yaxın zamanda ölkəyə çatacağı bildirilir.

Məlumata əsasən, Təl-Əviv Almaniya istehsalı olan yeni nəsil sualtı qayıqlarla donanmanı genişləndirməyi nəzərdən keçirir. Almaniya ilə son razılaşmaya əsasən, İsrailin 7-ci sualtı qayığı eyni qiymətə almaq opsiyası var. Müdafiə rəsmiləri əvvəlcə bu hüquqdan qiymət artımından əvvəl istifadə etməyi, daha sonra isə 8-ci sualtı qayığın alınması ilə bağlı danışıqlar aparmağı planlaşdırır.

İsrailli yüksək səviyyəli müdafiə mənbələrinin sözlərinə görə, yeni sualtı qayıqların alınması ilə bağlı qərarın seçkilərə qədər həyata keçirilməsi gözlənilmir. Bu addımın növbəti hökumət tərəfindən atılacağı bildirilir.

Müəllif: Roza