Dünya

“Starship”in buraxılışı zamanı Yer üzərində nəhəng UNO görüldü - FOTO

2 Oktyabr 2026 08:12

İlon Maskın “SpaceX” şirkətinin kosmik gəmisinin 14-cü buraxılışının yayımını izləyənlər Yer üzərində nəhəng uçan naməlum obyekt (UNO) görüblər.

Publika.az xəbər verir ki, bu barədə “Daily Star” yazır.

Sentyabrın 28-də “Starship” gəmisinin buraxılışını izləyən şəxslər gəminin kənarında yerləşən kameranın obyektivinə atmosferin yuxarı təbəqələrində asılı qalmış nəhəng obyektin düşdüyünə diqqət çəkiblər. O, bir ucunda parlaq ləkəsi olan solğun mavi işıq qövsünə bənzəyib.

Sosial şəbəkə istifadəçiləri dərhal Yer üzərində yadplanetlilərin gəmisinin peyda olduğunu yazmağa başlayıblar. “Düşünürəm ki, hamımız canlı yayımda məhz UNO gördük”, – onlardan biri yazıb. Digərləri isə qəribə parıltı gördüklərini təsdiqləyiblər. NASA və “SpaceX” şirkətindən heç bir rəsmi şərh verilməyib.

Yayımı şübhə ilə izləyənlər guya görünən UNO-nun əslində “Super Heavy” sürətləndiricisinin mühərriklərinin qalıq qaz izi olduğunu ehtimal ediblər.

Hüseyn İbadlı