ABŞ Suriya ilə bağlı 47 illik qadağanı ləğv etdi
Bizi izləyin

Dünya

ABŞ Suriya ilə bağlı 47 illik qadağanı ləğv etdi

ABŞ Suriya ilə bağlı 47 illik qadağanı ləğv etdi

ABŞ Suriyanı silah ixracı lisenziyalarının avtomatik rədd edildiyi ölkələr siyahısından çıxarıb.

Publika.az xəbər verir ki, bu barədə ABŞ mediası məlumat yayıb.

Bildirilib ki, ABŞ Dövlət Departamenti Beynəlxalq Silah Ticarəti Qaydalarında (ITAR) dəyişiklik edərək Suriyaya müdafiə təchizatı və xidmətlərinin ixracı ilə bağlı müraciətlərin artıq avtomatik rədd edilməyəcəyini açıqlayıb.

Yeni qaydalara əsasən, Suriyaya müdafiə məhsulları və xidmətlərinin ötürülməsi ilə bağlı hər bir müraciət ayrıca nəzərdən keçiriləcək və fərdi qaydada lisenziyalaşdırılacaq.

Dəyişikliyin Suriyanın terrora dəstək verən ölkə statusunun ləğvi və digər hüquqi tələblərin yerinə yetirilməsindən sonra həyata keçirildiyi qeyd olunub.

Qeyd edək ki, ABŞ Suriyaya qarşı ilk müdafiə ticarəti məhdudiyyətlərini 29 dekabr 1979-cu ildə tətbiq etmişdi. Son qərarla Suriyaya qarşı 47 il davam edən genişmiqyaslı məhdudiyyət rejimi əhəmiyyətli dərəcədə yumşaldılıb.

Müəllif: Roza

Oxumağa davam et
Reklam
Reklam

Gündəm

Zəfaran Hospital
Səba