Ekologiya

Rusiya ilə Britaniya arasında qarşıdurma: Bu razılaşma ləğv edildi

21 Fevral 2024 17:55

Rusiya Dövlət Duması Sovet İttifaqı və Böyük Britaniya və Şimali İrlandiya Birləşmiş Krallığı hökumətləri arasında balıqçılıq haqqında sazişi denonsasiya edib.

Publika.az xəbnər verir ki, bunu Rusiya Federasiyası Kənd Təsərrüfatı Nazirliyinin rəis müavini Maksim Uvaydov bildirib.

"Bu müqavilə Barents dənizinin sularında, Kola yarımadasının sahilləri boyunca, həmçinin Kolguev adasının sahillərində balıq ovu ilə məşğul olmaq hüququ verirdi", - deyə nazirliyin rəsmisi qeyd edib. O, britaniyalı balıqçılara icazənin birtərəfli qaydada ləğv edildiyini vurğulayıb.

Dövlət Dumasının Beynəlxalq Əlaqələr Komitəsinin üzvü Roza Çemerisin sözlərinə görə, 2023-cü ildə bu sazişə uyğun olaraq 500 min tondan çox balıq ovlanıb.

Qeyd edək ki, üçtərəfli balıqçılıq müqaviləsi 1956-cı il mayın 25-də Moskvada imzalanıb.

Cəmilə