Ekologiya

Ayı hücumu həyəcanı: Süni intellekt işə salınacaq

30 Aprel 2024 23:12

Ötən il Yaponiyada ayı hücumları nəticəsində 6 nəfər ölüb, 200-dən çox insan yaralanıb. Rekord sayda hücumdan sonra ölkə süni intellektli ayı xəbərdarlıq sistemini sınaqdan keçirəcək.

Publika.az xəbər verir ki, pilot layihə nəticəsində insanlara yaxın ərazilərdə hərəkət edən ayıları aşkar etmək mümkün olacaq. Bunula yanaşı müvafiq yerli hakimiyyət orqanlarına, polisə və ovçulara dərhal xəbərdarlıqlar göndəriləcək.

Süni intellektdən həmçinin ayıların hərəkət nümunələrini izləmək və gələcəkdə harada olacaqlarını təxmin etmək üçün istifadə olunacaq.

Plan müvəffəq olarsa, ölkənin digər yerlərinə də tətbiq olunacaq. Ötən il 19 əyalətdə ayı hücumları nəticəsində 200-dən çox xəsarət və 6 ölüm hadisəsi qeydə alınıb. Bu, ümummilli məlumatlar əldə olunduqdan sonra qeydə alınan ən yüksək rəqəmlərdir.

Mütəxəssislər hesab edirlər ki, digər amil kəndlərdə səs-küyün azalması ayıların sayını çoxaldır. Bunlardan biri də uşaqların sayının davamlı azalmasıdır.

Aysel Şahmar