Ekologiya

Günəş plazması buludu Yerə yaxınlaşır

7 Oktyabr 2025 23:24

Günəş plazmasından ibarət bulud Yerə doğru yaxınlaşır.

Publika.az xəbər verir ki, bu barədəRusiya Elmlər Akademiyasının Kosmik Tədqiqatlar İnstitutunun Günəş astronomiyası laboratoriyası məlumat yayıb.

Bildirilib ki, hadisənin ilk əlamətləri artıq qeydə alınıb, lakin hələlik maqnit qasırğaları başlamayıb.

Alimlər izah ediblər ki, plazma buludu 3 oktyabrda Günəşdə baş verən partlayış zamanı atılıb. Atılma prosesi yavaş və zərbəsiz olduğu üçün Yer atmosferi — maqnitosfer bu dəyişikliklərə uyğunlaşmağa vaxt tapıb. Hazırda heç bir geomaqnit qasırğası və pozuntu qeydə alınmayıb.

“Hazırkı pozuntular ilkin olaraq kifayət qədər uzunmüddətli ola bilər (bir sutkadan çox), bu səbəbdən yaxın zamanda zəif geomaqnit qasırğalarının baş vermə ehtimalı yüksək olaraq qalır,” — deyə mütəxəssislər əlavə ediblər.

Hüseyn İbadlı