Ekologiya

İrəvan heç vaxt belə dolu görməyib - VİDEO

5 İyul 2026 09:10

Yay fəsli başlayandan Ermənistanda anomal hava şəraiti davam edir.

Publika.az xəbər verir ki, bu barədə yerli media məlumat yayıb. Qeyd edilib ki, ölkənin müxtəlif bölgələrində ardıcıl yağan yağışlar və dolu kənd təsərrüfatına, mülklərə ciddi ziyan vurur. Gecə saatlarında da Ermənistanın müxtəlif bölgələrində güclü yağış və dolu yağıb.

"Yerevan Today"in məlumatına görə, sosial şəbəkələrin erməni seqmentində qorxulu videogörüntülər yayılır. Belə ki, bəzi şəhər mərkəzlərinə dolu yağan vaxtda sel də gəlib. İrəvan sakinləri isə qeyd edirlər ki, şəhərdə əvvəllər heç vaxt belə güclü yağış və dolu görməyiblər.

Başqa bir sosial şəbəkə istifadəçisi isə dolunun təkcə maşınlara və evlərə deyil tarla və bağlara da ziyan vurduğunu deyib. Taşirin Saratovka kəndindən olan həmin şəxs video paylaşaraq dolunun iki aydır ki, əkilib qulluq edilən bitkiləri məhv etməsindən gileylənib.

Müəllif: Tural