Elm və təhsil

Müvəqqəti olaraq onlayn sistemə keçməli olacağıq - Nicat Məmmədli

1 İyul 2020 16:35

Hazırda pandemiya şəraitində Corc Vaşinqton Universitetinin professorlarının Azərbaycan Dövlət Aqrar Universitetində dərs deməsi məsələsinin həll edilməsi müzakirə olunur.

Publika.az xəbər verir ki, bu sözləri Təhsil Nazirliyinin Beynəlxalq əməkdaşlıq şöbəsinin rəhbəri Nicat Məmmədli bu gün keçirilən onlayn konfrans zamanı deyib.

Onun sözlərinə görə, Corc Vaşinqton Universitetindən gələn professorların keçəcəyi dərslər 15 günlük və modul tipli olacaq. Sonrakı dövrdə isə tələbələr həm onlayn qaydada amerikalı müəllimlərin, həm də yerli müəllimlərin dərslərində iştirak edəcək:

“Pandemiya səbəbindən müvəqqəti olaraq onlayn sistemə keçməli olacağıq. Bu, ciddi bir sıxıntı yaratmayacaq. Yeganə problem ABŞ-la Azərbaycan arasındakı saat fərqidir ki, bunu nəzərə alaraq dərsləri axşam saatlarına salmağı planlaşdırırıq”.