Prezident Təqaüdü alacaq tələbələrin SAYI ARTDI - Ekspert

"Bu il ali məktəblərə qəbul imtahanları zamanı Prezident Təqaüdünə düşən keçid balı hər qrup üçün ayrıca formalaşacaq".

Bu fikri Publika.az-a söyləyən təhsil eksperti Elçin Əfəndi bildirdi ki, bu il l ixtisas qrupunda prezident təqaüdü üçün keçid balı təxminən 670-685 bal arasında olacaq:

"Bu hədd ll qrupda 655-660 bal, lll qrupda 650 bal, lV qrupda isə 670 baldan bir az yüksək olmalıdır. Qruplar üzrə 650-dən yuxarı bal toplayan abituriyentlərin sayı fərqlidir. Məsələn, I qrupda onların sayı 326 nəfər, ll qrupda 29 nəfər, lll qrupda 30 nəfər, lV qrupda isə 136 nəfərdir. Bu rəqəmlər ötən illə müqayisədə kifayət qədər böyükdür".

Ekspertin sözlərinə görə, bu nəticələr həm təhsildə keyfiyyətin artdığını, həm də abituriyentlərin imtahanlara daha yaxşı hazırlaşdığını göstərir:

"Bu amil həm müvafiq ixtisaslar üzrə keçid balının yüksəlməsinə, həm də 650-dən yuxarı bal toplayaların sayının artmasına səbəb oldu. Bu il bütün ixtisas qrupları üzrə 600-dən yuxarı bal toplayanların sayında da ciddi artım oldu və onları sayı hazırda 2078 nəfərdir".

Rövşən Ziya