• USD 1,7000 0,00% EUR 1,9961 0,00%
    • GBP 2,3335 0,00% RUB 0,0234 0,00%

Qarabağın ilk beynəlxalq hava limanından FOTOREPORTAJ

  • Foto
  • 5 Sentyabr 2021 16:23
  • 3 794 Baxış
Qarabağın ilk beynəlxalq hava limanından FOTOREPORTAJ

Bu gün Füzuli Beynəlxalq Hava Limanının istismara verilməsindən əvvəl, Bakıdan uçan "Azərbaycan Hava Yolları"na məxsus ən böyük "Airbus A340-500" tipli sərnişin təyyarəsi sınaq reysi həyata keçirərək işğaldan azad olunmuş Qarabağın ilk hava limanında eniş icra edib.

Publika.az xəbər verir ki, uçuş müddəti 35 dəqiqə olan Bakı-Füzuli marşrutu üzrə Qarabağa ilk dəfə hava yolu vasitəsilə yüklər çatdırılıb.

AZAL-ın vitse-prezidenti Eldar Hacıyev hava limanında jurnalistlərə açıqlamasında bildirib ki, bu gün çox əlamətdar gündür və Qarabağımızın hava qapısı olan Füzuli Beynəlxalq Hava Limanına dünyanın iki nəhəng hava gəmisi öz texniki uçuşlarını yerinə yetirib.

Onun sözlərinə görə, Prezidentin sərəncamı ilə artıq Şərqi Zəngəzur bölgəsində də iki hava limanının inşasına başlanılıb.

Jurnalistlərə açıqlama verən Dövlət Sərhəd Xidmətinin (DSX) mətbuat katibi, polkovnik-leytenant Rəşad Məşədiyev isə qeyd edib ki, burada digər xidmətlərlə yanaşı, Dövlət Sərhəd Xidmətinin müvafiq bölməsi fəaliyyət göstərəcək.

Füzuli Beynəlxalq Hava Limanına uçuş icra edən "Boeing 747-400" tipli hava gəmisinin kapitanı Rasim Əşrəfov isə bu gün bir Azərbaycan vətəndaşı kimi qürur hissi keçirdiyini bildirib. O qeyd edib ki, hava limanında uçuş sxemi çox əlverişli və rahatdır, eyni zamanda uçuş zolağı pilot üçün çox rahatdır.

Füzuli Beynəlxalq Hava Limanında olan Publika.az-ın əməkdaşı tarixi anları kamerasının yaddaşına köçürüb.

Görüntüləri təqdim edirik:

Fotolar: Pərviz Həşimi

Halal Nemət

Xəbər lenti

DAHA ÇOX XƏBƏR