Qadın orqanizmi üçün ən faydalı məhsullar AÇIQLANDI

Yumurta dərinin gözəlliyini qorumağa kömək edir.

Publika.az xəbər verir ki, bu barədə “RİA”-ya müsahibəsində kosmetoloq, Rusiya Tibbi Estetika və Mezoterapiya Cəmiyyətinin üzvü, Fransa Yaş Əleyhinə Terapevtlər Cəmiyyətinin üzvü Aleksandra Qont məlumat verib. O, bildirib ki, tərkibində çoxlu doymamış yağ turşuları, omeqa-3 və fosfolipidlər olan qidalar dəri üçün olduqca faydalıdır.

“Bədənimiz üçün lazım olan hormonların çoxu onlardan əldə edilir. Sübut olunub ki, indi gündəlik menyumuzda ən azı bir yumurta olmalıdır”, - ekspert vurğulayıb.

Mütəxəssisin fikrincə, rasionda zeytun yağı, həmçinin lifi olan çoxlu tərəvəzlər üstünlük təşkil etməlidir. Dəri üçün yağlı ət də xeyirdir, əks göstərişiniz yoxdursa, yeyə bilərsiniz. Brokkoliyə yer verin. Xüsusilə bu cür məhsullar qadınlar üçün faydalıdır, çünki onlar menopozun başlamasının və digər pozğunluqların qarşısını alır.

Bundan əlavə, ekspert şəkər və karbohidratların dərinin vəziyyətini pisləşdirdiyini bildirib. Qont yekunda şəkərli qazlı içkilər və şirələr, həmçinin ketçup, fəst-fud və konservləşdirilmiş məhsullardan uzaq olmağı tövsiyə edib.

Aytən Məftun