Kosmetoloq gənc xanımlara səsləndi - Həddi aşmaq olmaz!

Gənc dəri yaxşı vəziyyətdə olsa belə səhv qulluq və dəri tipinizə uyğun olmayan prosedurlar onu pisləşdirə bilər.

Publika.az xəbər verir ki, bu sözləri dermatoloq-kosmetoloq Yekaterina Şadrina "Lenta.ru"ya müsahibəsində deyib. Həkim bildirib ki, nazik və həssas dəri tiplərinə yağlı dərilər üçün nəzərdə tutulmuş pilinqlər qəti şəkildə olmaz:

"Bundan əlavə, gənc yaşda kontur əməliyyatlarına ehtiyac yoxdur, çünki həddən artıq dolğunluq üzdə qeyri-təbii görünüş yarada bilər.

Dodaqların hialuron turşusu ilə böyüdülməsinə gəlincə, dərmandan böyük həcmdə istifadə etmək arzuolunmazdır. Bununla belə, yüksək keyfiyyətli iş ilə bir çox estetik problemləri həll etmək mümkündür", - həkim bildirib.

Həkim vurğulayıb ki, botulinum terapiyasını gec yaşlarda etmək fayda verməyə bilər: "Dəridə dərin qırışların yaranmasının qarşısını almaq üçün artıq gənc yaşda bu texnikaya müraciət etməyə dəyər.

Sızanaqlardan əziyyət çəkənlər tez-tez üzün mexaniki təmizlənməsini etməməlidirlər. Pilinq sızanaqları müalicə etmək üçün uğurlu bir üsul deyil. Eyni zamanda dəriyə düzgün qulluq edəcək məhsulları seçmək xüsusilə vacibdir".

Aytən Məftun