“Dövlət benzinin bahalaşmasını kompensasiya edəcək” - İqtisadçı professordan ŞƏRH

“Qiymətin dəyişməsi başqa məhsulların da qiymətinin dəyişməsinə təsir edə bilər. Amma dövlətin iqtisadi siyasəti deyilən bir şey var. Odur ki, benzinin bahalaşmasını kompensasiya edən tədbirlər həyata keçiriləcək. Məsələn, əmək haqqı və ya pensiyalar artırıla bilər. Yaxud, qiymət artımı aztəminatlı ailələrə aid edilməyə bilər”.

Bunu Publika.az-a açıqlamasında Milli Məclisin sabiq deputatı, İqtisad Universitetinin professoru Əli Əlirzayev deyib.

Benzinin bahalaşmasını şərh edən Əlirzayev bildirib ki, ciddi bahalaşmadan söhbət gedə bilməz: “Düzdür, qiymətlərin dəyişməsi müşahidə oluna bilər. Amma burda ciddi bahalaşmadan söhbət gedə bilməz. İkinci bir hal isə dizellə işləyən maşınlara tələbat artacaq. Dizellə işləyən müəssisələr üçün bu artım heç bir əhəmiyyət kəsb etmir. Daşıma işləri aparan şəxslər dizellə işləyən avtomobillərə üstünlük verəcək.

Qida məhsullarına yalnız bu cür təsiri ola bilər ki, istehsalçı məhsulunu bazarlara benzinlə işləyən maşınla gətirərsə, həmin xərci çıxarmaq üçün məhsulu bahalaşdıra bilər. Məsələn, bir sahibkar hansısa rayondan kilosu 1 manata olan məhsul gətirir. Bunun üçün də 20 litr benzin işlədir. İndi həmin 20 litrə görə 4 manat daha çox ödəyəcək. Amma nəzərə alın ki, 1000 manatlıq məhsul üçün 4 manat fərq gözəgörünməz bir rəqəmdir”.

Amin