• USD 1,7000 0,00% EUR 1,8796 -0,46%
    • GBP 2,2347 -0,08% RUB 0,0267 0,00%

Prezidentin Davosdakı çıxışı buna təkan verəcək - Ekspert

Prezidentin Davosdakı çıxışı buna təkan verəcək - Ekspert

"Davos İqtisadi Forumu Azərbaycan üçün çox vacib bir tədbirdir. Bu Forum ölkəmizin öz potensialını təqdim etməsi üçün bir tribunadır".

Bu sözləri Publika.az-a açıqlamasında iqtisadçı ekspert Vüqar Bayramov deyib.

Ekspert bildirib ki, Davos İqtisadi Forumununa 2007-ci ildən başlayaraq nümayəndə heyətinə ölkə Prezidentinin rəhbərlik etməsi, bizim bu foruma əhəmiyyət verməyimizin göstəricisidir:

“2019-cu il Davos İqtisadi Forumu Azərbaycan üçün əvvəlki illərlə müqayisədə daha əhəmiyyətlidir. Düzdür, əvvəlki illərdə də ölkəmiz iqtisadi imkanlarını təqdim edirdi. Lakin bu il bir az daha vacibdir. Çünki Azərbaycan 2019-cu ilə struktur islahatları ilə başladı. Yanvarın 11-də keçirilən müşavirədə Prezident İlham Əliyev bu islahatların idarəetmə sisteminin çevikliyini artıracağını, eyni zamanda real, qeyri-neft sektorunun inkişafı üçün daha çox xarici sərmayənin prioritet olduğunu bildirdi. Bu baxımdan 2019-cu ildə çevik idarəetmə sisteminin formalaşması daha çox xarici investisiyaların cəlb edilməsinə imkan yaradacaq. Prezident Davosda həm ikitərəfli görüşlər keçirdi, həm də xüsusi sessiyada çıxış etdi, dünyanın aparıcı media orqanlarına müsahibə verdi. Bütün bu çıxış və görüşlərdə Prezident dünyanın aparıcı şirkətlərini Azərbaycana sərmayə yönəltməyə dəvət edir. Əslində şirkətlər üçün investisiya yatırmaq istədikləri dövlətin başçısı tərəfindən belə bir dəvətin edilməsi də vacibdir. Bu baxımdan Azərbaycan Prezidentinin ölkə iqtisadiyyatının mövcud potensialı və iqtisadi islahatlarla bağlı geniş auditoriyaya məlumat verməsi daha çox sərmayənin cəlb edilməsinə şərait yaradacaq. Nəzərə alsaq ki, Dünya Bankının Douing Business hesabatında Azərbaycan 32 pillə irəliləyərək dünyada ən yaxşı investisiya mühitinə malik olan 25 ölkədən biri kimi seçildi. Bu irəliləyiş ölkəyə investisiya cəlbi baxımdan yeni imkanlar yaradır”.

Ekspert vurğulayıb ki, ölkə Prezidentinin Davosda çıxışından sonra ölkəyə xarici investorların cəlb edilməsinə imkan yaradacaq:

“Xüsusən ölkə Prezidentinin investorları cəlb etməsi qeyri-neft sektoruna daha çox sərmayənin qoyulmasına baza yaradır. Ötən il ölkə iqtisadiyyatına 17.2 milyard manat investisiya qoyulub, onun əhəmiyyətli hissəsi qeyri-neft sektorunun payına düşür. Bu il üçün məqsəd daha çox xarici sərmayənin cəlb edilməsinə nail olmaqdır. Davos İqtisadi Forumunda ölkə Prezidentinin çıxışı və investorları cəlb etməsi bu hədəflərin reallaşmasına ciddi təkan verəcək”.

Gülxar

Xəbər lenti

DAHA ÇOX XƏBƏR