Sənaye əhəmiyyətli partlayıcı maddələr istehsal edəcək cəmiyyət təsis edildi
Bizi izləyin
Aptekonline

İqtisadi gündəm

Sənaye əhəmiyyətli partlayıcı maddələr istehsal edəcək cəmiyyət təsis edildi

Sənaye əhəmiyyətli partlayıcı maddələr istehsal edəcək cəmiyyət təsis edildi

"AzerGold" Qapalı Səhmdar Cəmiyyətinin (QSC) ikinci törəmə şirkəti, "AzerBlast" Məhdud Məsuliyyətli Cəmiyyəti (MMC) təsis edilib.

Bu barədə "AzerGold" QSC-dən Publika.az-a verilən məlumatda bildirilib.

Sənaye əhəmiyyətli partlayıcı maddələrin istehsalı üzrə ixtisaslaşan şirkətin yaradılmasında məqsəd xüsusilə dağ-mədən və tikinti sənayesində istifadə edilən mülki partlayıcı maddələrə olan daxili tələbatın ödənilməsi və idxaldan asılılığın aradan qaldırılmasıdır.

Qeyd edək ki, dövlət-özəl sektor tərəfdaşlığı modeli əsasında təsis edilən şirkət 9 mart 2021-ci il tarixində dövlət qeydiyyatına alınıb. Törəmə cəmiyyətin ümumi səhmlərinin 51 faizi "AzerGold" QSC-yə, 49 faizi isə "DM Servis" MMC-yə məxsusdur. 2013-cü ildə təsis edilmiş "DM Servis" MMC mülki partlayıcı maddələr və innovativ partlayış sistemlərinin istehsalı sahəsində dünya liderlərindən olan "Orica-Nitro" şirkətinin Azərbaycan üzrə rəsmi tərəfdaşıdır.

Teqlər
Oxumağa davam et
Reklam
Reklam

Gündəm

Aptekonline