İqtisadi gündəm

Gümüş 14 ildən sonra ilk dəfə KƏSKİN BAHALAŞDI

2 Oktyabr 2025 19:24

Dekabr ayında çatdırılacaq gümüş fyuçerslərinin qiyməti "Comex" birjasında (Nyu-York Əmtəə Birjasının bölməsi) ilk dəfə 2011-ci ilin may ayından bəri bir troya unsiyası üçün 48 ABŞ dollarını keçib.

Publika.az xəbər verir ki, bu barədə ticarət platformasının göstəricilərində məlumat verilib.

Bakı vaxtı ilə saat 17:12-də qiymətli metalın dəyəri 1,45% artaraq bir troya unsiyası üçün 48,01 dollar təşkil edib. Saat 17:17-də isə gümüşün qiymət artımı bir qədər zəifləyərək 47,94 dollara düşüb (+1,3%).

Sentyabr ayında birja qiyməti 14 ildən sonra ilk dəfə 44 dolları keçib.

İyun ayında “Alfa-Kapital” İdarəetmə Şirkətinin portfel meneceri Dmitri Skryabin bildirib ki, gümüş son bir ayda 11% bahalaşıb. Bu, onun qiymət artımı tempində qızılı, platin və palladiumu yaxalamağa başladığını göstərir. Onun sözlərinə görə, ilin əvvəlindən bəri gümüş təxminən 25% artım nümayiş etdirib.

Hüseyn İbadlı