Dünyada yumurtanın ən ucuz olduğu ölkələr: Azərbaycan da var

Yumurtanın ən ucuz olduğu ölkələr açıqlanıb.

Publika.az xəbər verir ki, bu barədə “RİA Novosti” məlumat yayıb.

Avqustun sonunda Rusiyada 10 yumurtanın orta qiyməti 82,1 rubl (1 manat 71 qəpik) təşkil edib. Yumurtanın ən bahalı olduğu yer İsveçrə olub - 10 yumurta 10 manat 76 qəpik. Rusiyadan başqa, bu məhsulun ən aşağı qiymətləri Hindistan (10 yumurta 1 manat 33 qəpik), İran (1 manat 59 qəpik), Banqladeş (1 manat 63 qəpik) və Pakistanda (1 manat 65 qəpik) olub. Belarus və Liviyada 10 yumurtanın qiyməti 1 manat 84 qəpik təşkil edir.

İsveçrədən başqa, xüsusilə bahalı yumurtalar İslandiya (9 manat 52 qəpik) və Yeni Zelandiyadadır (8 manat 95 qəpik). Lüksemburqda 10 yumurtanın qiyməti 7 manat 28 qəpik, Danimarkada isə 7 manat 20 qəpik təşkil edir.

Azərbaycan da yumurtanın ən ucuz olduğu ölkələr arasındadır. Hazırda Azərbaycanda piştaxtalarda yumurta 17-18 qəpikdir (10 ədədi 1,7-1,8 manat). Hətta bəzən 12-13 (10 ədədi 1,2-1,3 manat) qəpiyə də satılır.

Adəm Abbaslı