Bir neçə gün öncə işdən çıxarılan polis rəisi bıçaqlandı, əmisi intihar etdi - YENİLƏNDİ

Ötən gecə Xaçmazda iş adamı Rövşən Əsgərbəylinin qardaşı oğlu, bir neçə gün əvvəl Siyəzən rayon Polis Şöbəsinin Dövlət Yol Polisi Bölməsinin rəisi vəzifədən azad edilərək təqaüdə göndərilən Əliağa Əsgərbəylini bıçaqlaması və daha sonra intihar etməsi hadisəsinin bəzi təfərrüatları üzə çıxıb.

Publika.az xəbər verir ki, R.Əsəgrbəyli ilə qardaşı oğlu arasında daha əvvəldən münaqişə var imiş. Onlar daha öncə Xaçmazdakı məşhur restoranlrdan birində dalaşıblar.

Nəhayət ötən gün R.Əsgərbəyli Əliağanı öldürmək qərarına gəlib. O, bir neçə gün əvvəl təqaüdə çıxan polis zabitinə 4 bıçaq zərbəsi endirib. Əliağanın öləcəyini düşünən R.Əsgərbəyli daha sonra tüfənglə özünə atəş açaraq intihar edib.

Xəstəxanaya yerləşdirilən R.Əsgərbəylinin bəziyyəti orta-ağır qiymətləndirilir.

Faktla bağlı araşdırmalar davam etdirilir.

*****

09:18

Xaçmaz rayonunda ailə faciəsi yaşanıb.

Publika.az bizim.media-ya istinadla xəbər verir ki, Siyəzən Rayon Polis Şöbəsinin Dövlət Yol Polisi Bölməsinin keçmiş rəisi Əliağa Əsgərbəyli əmisi Rövşən Əliağa oğlu Əsgərbəyli tərəfindən bıçaqlanıb.

Hadisədən sonra cinayətkar özünü güllələyib.

O, hadisə yerindəcə ölüb. Meyiti Səhiyyə Nazirliyinin Məhkəmə Tibbi Ekspertizası və Patoloji Anatomiya Birliyinin Xaçmaz rayon şöbəsində ekspertiza edilir. Əliağa Əsgərbəyli isə yaralı vəziyyətdə Xaçmaz Rayon Mərkəzi Xəstəxanasına çatdırılıb.

Əlavə məlumat veriləcək.

Qeyd edək ki, Əliağa Əsgərbəyli avqustun 19-da Daxili İşlər naziri, general-polkovnik Vilayət Eyvazovun əmri ilə vəzifəsindən azad olunub.