Yaqub Zurufçu dəfn edildi - FOTO (YENİLƏNDİ)

Koronavirusdan vəfat edən Əməkdar artist Yaqub Zurufçu “Qurd qapısı” qəbiristanlığında dəfn edilib.

Publika.az xəbər verir ki, mərhum Xalq artistləri Arif Quliyev və Rafiq Hüseynovun (Rəmiş) yanında torpağa tapşırılıb.

xxx

Əməkdar artist Yaqub Zurufçu ilə vida mərasimi keçirilir.

Publika.az xəbər verir ki, Əməkdar artist son mənzilə 1 saylı Kliniki Tibbi Mərkəzdən (Semaşko) yola salınır.

Vida mərasimində sənətçinin ailə üzvləri, sənət yoldaşları ilə yanaşı, Mədəniyyət Nazirliyinin nümayəndələri də iştirak edir.

xxx

Əməkdar artist Yaqub Zurufçu bu gün saat 13:00-da "Qurd qapısı" qəbiristanlığında Xalq artistləri Arif Quliyev və Rəmişin yanında dəfn olunacaq.

Publika.az xəbər verir ki, bu barədə Mədəniyyət Nazirliyinin İnformasiya və İctimaiyyətlə əlaqələr şöbəsinin müdiri Məryəm Qafarzadə məlumat verib.

Allah rəhmət eləsin!

xxx

Mədəniyyət Nazirliyindən zəng vurub dedilər ki, Yaqub Zurufçunun harada dəfn olunması saat 10-dan sonra açıqlanacaq. Onlardan xəbər gözləyirik.

Publika.az xəbər verir ki, bu sözləri Əməkdar artist Yaqub Zurufçunun həyat yoldaşı Aynur Zurufçu deyib.

Qeyd edək ki, bir neçə gün əvvəl koronavirusa yoluxan Əməkdar artist “Yeni Klinika”nın reanimasiya şöbəsinə yerləşdirilmiş və süni nəfəs aparatına qoşulmuşdu. O, dünən vəfat edib.

Aytən Məftun