Hadisə

Bakıda AİLƏ FACİƏSİ: Ata çıxıb getdi, narkoman ana 10 yaşlı qızını... - FOTO

13 Noyabr 2021 08:45

Bakıda anasının işgəncələrindən bezən 10 yaşlı qız sığınacağa yerləşdirilib.

Publika.az xəbər verir ki, bu barədə "Təmiz Dünya" İctimai Birliyinin sədri, hüquq müdafiəçisi Mehriban Zeynalova məlumat verib.

O bildirib ki, 10 yaşlı qız polis tərəfindən sığınacağa gətirilib: "Qızımızın atası başqa qadınla evlidir və ayrı yaşayır. Anası isə narkotik istifadəçisi olduğundan qızı evdən çıxararaq ona hardan olursa olsun pul gətirməsini tələb edib. Azyaşlı dəfələrlə buna qarşı çıxmağa çalışıb və çox pis şəkildə döyülüb.

Qızımız bildirir ki, hətta ona bıçaqla belə xəsarət yetirib. İndiyədək anasının narkotikini qarşılamaq və döyülməməsi üçün çalışan qız sonda bezərək polisə müraciət edib".

M.Zeynalova əlavə edib ki, qızın heç bir sənədi, təhsili, tibbi kartı yoxdur: "İlk növbədə sənədləri hazırlanacaq və təhsilini bərpa etməyə çalışacağıq".