Azərbaycanda məktəblilərin öldüyü hadisənin təfərrüatı - 16 yaşlı NÜMANIN FOTOSU

Ötən gün Gəncə şəhərində 16 yaşlı oğlanın törətdiyi, özünün və yolun kənarı ilə gedən 13 yaşlı qızın həlak olması ilə nəticələnən dəhşətli yol qəzası böyük müzakirələrə səbəb oldu.

Publika.az xəbər verir ki, ilkin araşdırmalar zamanı orta məktəbin 10-cu sinfində oxuyan Nüman Əlizadənin atasına məxsus “Mercedes E-Class” markalı avtomobili icazəsiz götürməsi, sürücülük hüququ olmadan idarə etməsi məlum olub.

Hadisə şahidləri bildiriblər ki, qəzaya düşən avtomobildən çox yüksəs tonda musiqi səsi gəlirmiş. Nümn Əlizadə dostları ilə musiqi sədaları altında avtomobilli şəhərin mərkəzində sürətlə idarə edərək təhlükəli manevrlər edirmiş.

Qeyd edək ki, Qəza zamanı sürücü, 2005-ci il təvəllüdlü Nüman Əlizadə, piyada, 2008-ci il təvəllüdlü Nazlı İbrahimova ölüb. Hadisə zamanı 2003-cü il təvəllüdlü Cavid Kazımov, 2004-cü il təvəllüdlü Elcan Əliyev və onun həmyaşıdı İlkin Bayramov xəsarət alıblar.Faktla bağlı araşdırmalara başlanılıb.

Faktla bağlı Gəncə şəhər Baş Polis İdarəsində cinayət işi açılıb, araşdırmalar davam etdirilir.

Hadisəni törədən və vəfat edən 16 yaşlı Nümanın fotosunu təqdim edirik. Qeyd edək ki, Nümanın atası Namiq Əliyev Gəncə Dövlət Universitetində çalışır.

Muxtar