Hadisə

Azərbaycanda məktəbdə şagirdin bıçaqlanmasının TƏFƏRRÜATI

1 Fevral 2022 13:57

Ötən gün Qazax şəhərində yerləşən orta məktəbdə şagirdin bıçaqlanması hadisəsi ilə bağlı bəzi məqamlar üzə çıxıb.

Publika.az xəbər verir ki, ilkin araşdırmalar nəticəsində Səməd Vurğun adına 2 nömrəli tam orta məktəbin 11-ci sinif şagirdi Yolçuyev Yunis Xəqani oğlunun ondan bir sinif aşağı oxuyan Vəliyev Qaraca Namiq oğlu tərəfindən bıçaqlanması üzə çıxıb.

Məlum olub ki, şagirdlər arasında əvvəlcədən mübahisə yaranıb və onlar dərs vaxtı məktəbin həyətindəki idman meydançasında münasibətləri aydınlaşdırmaq qərarına gəliblər. Bu zaman 10-cu sinif şagirdi 17 yaşlı Yunisə bıçaqla 2 zərbə endirib.

Hadisə ilə bağlı dərhal məktəb rəhbərliyinə və polisə məlumat verilib. Yaralı xəstəxanaya yerləşdirilib.