Gəncədə DƏHŞƏTLİ HADİSƏ - Ev sahibi yanaraq öldü - YENİLƏNDİ

Fövqəladə Hallar Nazirliyi Gəncədə baş verən yanğınla bağlı məlumat yayıb.

Publika.az nazirliyə istinadən xəbər verir ki, Gəncə şəhərinin Nizami rayonunda ümumi sahəsi 400 m² olan birmərtəbəli altı otaqlı evin 4 otağının yanar konstruksiyaları və dam örtüyü 100 m² sahədə yanıb. Yanğın yerinin kəşfiyyatı zamanı ev sahibi, 1948-ci il təvəllüdlü Hüseynov Tofiq Müseyib oğlunun (yataq xəstəsi) meyiti yanğınsöndürənlər tərəfindən aşkar edilərək aidiyyəti üzrə təhvil verilib. Evin qalan hissəsi yanğından mühafizə olunub.

Hadisə ilə əlaqədar müvafiq qurumlar tərəfindən təhqiqat aparılır.

*****

Gəncədə evdə yanğın baş verib.

Publika.az-ın yerli bürosunun verdiyi məlumata görə, hadisə şəhərin Şərəfxanlı küçəsində qeydə alınıb. 73 yaşlı Tofiq Hüseynova məxsus evdə anidən yanğın olub. Hadisə yerinə FHN-nin yanğınsöndürən avtomobiləri və canlı qüvvəsi cəlb olunub.

Yanğının qonşuluqdakı evələrə keçməsinin qarşısı alınıb.

Yanğın zamanı ev sahibi, 73 yaşlı T.Hüseynov evdə yanaraq ölüb. M

Məlumata görə ev sahibi xəstə olub. Hadisənin səbəbləri araşdırılır.