Hadisə

Əməliyyat keçirildi: Bələdiyyə sədri və müavini saxlanıldı

10 Yanvar 2025 13:24

Terrorla Mübarizə Şöbəsi qrupları tərəfindən eyni vaxtda həyata keçirilən əməliyyatlarda Akdeniz Bələdiyyə Başçısı Hoşyar Sarıyıldız, Bələdiyyə sədrinin müavini Nuriyə Arslan və DEM Partiyası Divan üzvləri Özgür Çağlar, Neslihan Oruç, Yakup Danış və Hikmət Bakırhan saxlanılıb.

Publika.az xəbər verir ki, bu barədə DEM Partiyası Mersin Millət vəkili Əli Bozan sosial media hesabında açıqlama verib.

“Mersin Respublika Prokurorluğu Terror Cinayətləri İstintaq Bürosu tərəfindən aparılan istintaq çərçivəsində DEM Partiyası bələdiyyə sədrləri və məclis üzvlərinə qarşı əməliyyat keçirilib. Şübhəlilər “Terror təşkilatının təbliğatını aparmaq”, “Silahlı terror təşkilatına üzv olmaq”, “Terrorçuluğun maliyyələşdirilməsinin qarşısının alınması haqqında” qanunu pozmaq və terrorçuluğa qarşı mübarizə maddələri ilə aparılan istintaq çərçivəsində saxlanılıblar”, - Əli Bozan bildirib.

Yaxın saatlarda bələdiyyəyə qəyyum təyin ediləcəyi gözlənilir.

Aysel Şahmar