28 il əvvəl yoxa çıxan kişi mağarada tapıldı: İnanılmaz mənzərə

1997-ci ilin iyun ayında 31 yaşlı Pakistan vətəndaşı Nasiruddin ölkənin şimalındakı dağlıq Kohistan bölgəsindəki Supat vadisindəki bir mağarada yoxa çıxıb. Ailəsi illərdir onun izini axtarır və 2025-ci ilin iyul ayında yerli çoban Ömər Xan onun cəsədini buzlaqda tapıb. Cəsəd sanki mumyalanıb və mükəmməl şəkildə qorunub saxlanılıb.

Publika.az xarici mətbuata istinadən xəbər verir ki, iyirmi səkkiz il keçməsinə baxmayaraq cəsəd donmuş vəziyyətdə qalıb.

Tədqiqatçılar cəsədin buzlaqda təbii mumiyalanmaya məruz qaldığını izah ediblər: son dərəcə sürətli donma parçalanma prosesini əhəmiyyətli dərəcədə yavaşladıb və üzvi toxumanı nəm və oksigendən təcrid edib. Bu qorunma, Alp dağlarında kəşf edilən Buz Adamı Ötzinin qalıqları kimi yaxşı qorunmuş insan qalıqlarını xatırladıb.

Lakin iqlim dəyişikliyi və buzlaqların sürətlə geri çəkilməsi bu cür tapıntıların kəşfində əsas rol oynayır.

Alimlər qeyd edirlər ki, qlobal istiləşmə kontekstində bu cür hallar nadir deyil. Dünyanın bir çox yerində buzlaqlar geri çəkildikcə, insan qalıqlarından tutmuş onilliklər boyu buzda möhürlənmiş artefaktlara qədər həm faciəli, həm də elmi cəhətdən əhəmiyyətli keçmiş hadisələrin yeni dəlilləri ortaya çıxacaq.

Adəm