Bağçalının Zəngəzurla bağlı təklifi Ermənistanda qorxu yaratdı

Türkiyə Milliyyətçi Hərəkat Partiyasının (MHP) sədri Dövlət Bağçalının Zəngəzur dəhlizi ilə bağlı təklifi Ermənistanda ciddi narahatlıq yaradıb.

Publika.az xəbər verir ki, Bağçalı TRİPP layihəsi – Zəngəzur dəhlizinin Turan dəhlizi adlandırılmasını təklif edib.

O bildirib ki, bu marşrut əslində Turan dəhlizi adlandırılmalıdır:

“Bu marşrut Naxçıvanı Azərbaycanın əsas hissəsi ilə birləşdirəcək və Türkiyəni qardaş Azərbaycan vasitəsilə Xəzər dənizinə, oradan da Türküstana çıxaracaq. Bu dəhliz “Bir millət, iki dövlət” ruhunun türk dünyasında yayılması üçün strateji cəhətdən əhəmiyyətli mühüt yaradacaq. Bu marşrut mahiyyət etibarilə, Turan dəhlizidir”.

Bağçalı qeyd edib ki, Turan dəhlizi Qarsdan Türküstan sərhədlərinə qədər uzanan tarixi və mədəni bir qapıdır. O, bu dəhlizin əsrin əsas nəqliyyat və ticarət yollarından birinə çevriləcəyini, türk dünyasının iqtisadi dirçəlişinə səbəb olacağını da bildirib.

MHP liderinin çıxışı Ermənistanda, xüsusilə revanşistlər arasında narahatlıqla qarşılanıb.

Asif