Hadisə

Goranboyda dəhşətli qətl - -Qazi saxlanıldı

31 Yanvar 2026 09:21

Goranboy rayonunda bir gündə iki qadının bıçaqlanması ilə nəticələnən ağır cinayət hadisəsi baş verib.

Publika.az Teleqraf-a istinadən xəbər verir ki, hadisə rayonun Fəxralı kəndində qeydə alınıb. İlkin məlumata görə, 1963-cü il təvəllüdlü Zoya Əhmədova və 1995-ci il təvəllüdlü Jalə Yolçuzadə bıçaq xəsarətləri alıb.

Hadisə zamanı Zoya Əhmədova aldığı xəsarətlərdən dünyasını dəyişib. Digər zərərçəkən isə ağır vəziyyətdə xəstəxanaya yerləşdirilib.

Cinayəti törətməkdə 1987-ci il təvəllüdlü Vəliyev Emin Xaləddin oğlunun şübhəli olduğu bildirilir. Məlumata görə, o, ölən qadının oğludur. Ağır xəsarət alan 1995-ci il təvəllüdlü Jalə Yolçuzadənin isə şübhəli şəxsin həyat yoldaşı olduğu qeyd olunur. Zərərçəkən qadının iki uşaq anası olduğu bildirilir.

Qeyd edilir ki, hadisəni törətməkdə şübhəli bilinən şəxsin psixoloji problemləri var. Məlumata görə o, qazidir.

Faktla bağlı hüquq-mühafizə orqanları tərəfindən araşdırma aparılır. Hadisənin təfərrüatları dəqiqləşdirilir.