"Crocus" terroru: təqsirli bilinənlərə ömürlük həbs cəzası istənildi
Bizi izləyin
Aptekonline

Hadisə

"Crocus" terroru: təqsirli bilinənlərə ömürlük həbs cəzası istənildi

"Crocus" terroru: təqsirli bilinənlərə ömürlük həbs cəzası istənildi

Rusiya məhkəməsində dövlət ittihamçısı Moskvada "Crocus City Hall" konsert kompleskində törədilən terror aktına görə təqsirləndirilən 4 nəfərə ömürlük həbs cəzası istəyib.

Publika.az xəbər verir ki, məhkəmə prosesi 2-ci Qərb Dairə Hərbi Məhkəməsində keçirilib.

Təqsirləndirilən şəxslər terror fəaliyyətinə hazırlıq, qanunsuz silah ticarəti, terror təşkilatında iştirak və terror aktı törətməkdə ittiham olunurlar.

Prokuror hərbi məhkəmədən Şəmsiddin Fariduni, Dalerjon Mirzoyev, Məhəmmədsobir Fayzov və Səidakram Murodali Raçabalizoda üçün xüsusi rejimli cəza koloniyasında ömürlük həbs cəzası təyin edilməsini xahiş edib.

Qeyd edək ki, konsert zalına hücum 2024-cü il martın 22-də axşam baş verib. “Piknik” qrupunun çıxışından əvvəl silahlı şəxslər zala daxil olaraq tamaşaçılara atəş açıblar. Hücum nəticəsində 149 nəfər ölüb, 1 nəfər itkin düşüb, 609 vətəndaş yaralanıb. Hücum nəticəsində dəyən ziyan təxminən 6 milyard rubl təşkil edib. (Teleqraf)

Oxumağa davam et
Reklam
Reklam

Gündəm

Aptekonline