Xırdalanda narkoman taksi sürücüsü tutuldu
Bizi izləyin
Aptekonline

Hadisə

Xırdalanda narkoman taksi sürücüsü tutuldu

Xırdalanda narkoman taksi sürücüsü tutuldu

Abşeron Rayon Polis İdarəsinin əməkdaşları 45 yaşlı narkomanı saxlayıb.

Musavat.com xəbər verir ki, Samir Məmmədov ilkin ifadəsində bir ildir narkotikə qurşandığını bildirib və bunu “xəstəlik” adlandırıb.

“Düşmüşəm də bu xəstəliyə. Taksidə işləyirdim. Ordan-burdan əlimə keçdi, başladım. Hərdən iynə də vururam. Amma çox vaxt iyləyirəm”.

Əməliyyatçılar Samiri Xırdalan şəhərində şübhəli hərəkətlərinə görə saxlayıblar. Polis idarəsinə gətirilən Samir Məmmədovun üzərindən heroin aşkarlanıb.

Taksi fəaliyyəti ilə məşğul olan 45 yaşlı Samir gündəlik qazancının bir hissəsini narkotik almağa xərcləyib.

Samir Məmmədov peşimanlıq çəkdiyini bildirib: “Çox peşimanam. Uşaq, ailə qaldı. Onun-bunun yanında biabır oldum”.

Samirin məktəbli övladı da var. Özünün dediyinə görə, narkotikdən istifadə etdiyini ailəsi bilmirmiş.

Oxumağa davam et
Reklam
Reklam

Gündəm

Aptekonline