Hadisə

5 gündür morqda qalan meyitin kimliyi bəlli oldu- FOTOLAR (18+)

4 İyul 2016 15:33

İyunun 29-u Bakının Mərdəkan çimərliyindən aşkarlanan kişi meyitin kimliyi bəlli olub.

BiG.AZ-ın əldə etdiyi məlumata görə, meyitin 24 yaşlı Azərbaycan vətəndaşı Əliyev Əmrah Bayram oğluna məxsus olduğu aşkarlanıb.

Faktla bağlı cinayət işi açılıb, hadisənin baş vermə səbəbləri araşdırılır.

Qeyd edək ki, Ə.Əmrah 1992-cı ildə iyunun 14-ü Bakı şəhərində doğulub. Valideynlərinin bildirdiyinə görə, Ə.Əmrah fəhləliklə məşğul olurmuş, kirayədə qalırmış.

***

Bakıda iyunun 29-u Mərdəkan çimərliyindən naməlum kişi meyiti aşkarlanıb.

BiG.AZ-ın əldə etdiyi məlumata görə, meyit gecə saat 2 radələrində sudan çıxarılıb.

Dənizdən tapılan meyit təxminən 25-30 yaş arası kişiyə məxsusdur, boyu 1.75 santimetrdir. Meyitin üzərinə baxış keçirilərkən bədəninin müxtəlif yerlərində döymələr aşkar edilib.

Onu tanıyanlardan 0124542222 nömrəsinə zəng etmələri xahiş olunur.

Fotoları təqdim edirik: