Hadisə

21 yaşlı gənc göldə boğuldu

10 İyul 2016 10:41

Son günlər suda boğulanlar siyahısına daha bir nəfər - Göyçay sakini də əlavə olunub.

Publika.az xəbər verir ki, hadisə Qəbələ rayonunun Nohurqışlaq kəndi ərazisində qeydə alınıb. Göyçay rayonunun Ləkçılpaq kənd sakini 1995-ci il təvəllüdlü Sənan Ələsgər oğlu Babayev tanışları ilə birlikdə istirahət etdikləri Nohurqışlaq kəndindəki göldə çimib. Lakin 21 yaşlı gənc suya girdikdən bir müddət sonra boğularaq həyatını itirib.

Onun meyitini sudan çıxara bilməyən ətrafdakı insanlar dərhal Fövqəladə Hallar Nazirliyinin Dövlət Sularda Xilasetmə Xidmətinə məlumat veriblər.

FHN əməkdaşları axtarışlar nəticəsində Sənan Babayevin meyitini sudan çıxarıb və meyit müayinə edildikdən sonra təhvil verilib.

Faktla bağlı cinayət işi açılıb, araşdırma aparılır. (anspress)