Təəssüf, belə alındı - “Lill”in baş məşqçisi

Avropa Liqasının 3-cü təsnifat mərhələsinin cavab oyununda “Qəbələ”yə 0:1 hesabıyla uduzaraq mübarizəni dayandıran “Lill”in baş məşqçisi Frederik Antonetti oyunsonrası mətbuat konfransında jurnalistlərin suallarını cavablandırıb.

Publika.az xəbər verir ki, Antonetti oyunla bağlı bunları deyib:

- Hər iki komanda layiqli mübarizə apardılar. Hər şey yüksək səviyyədə təşkil olunmuşdu. Komanda yaxşı oyun sərgilədi. Təəssüf belə alındı.

- Bu məğlubiyyəti gözləyirdiz?
- “Qəbələ”yə qarşı Fransadakı oyun çətin keçmişdi. Həmin oyundan sonra rəqibin güclü olduğunu bilirdik. Bu oyunda qələbə qazanacağımıza ümid etsək də, alınmadı.

- Rəqibi necə qiymətləndirərdiz?
- Sadəcə olaraq super. Rəqib yüksək səviyyəli oyun sərgilədi.

- Oyuna hazırlıq hansı səviyyədə təşkil edilmişdi?
- Bu oyuna yüksək səviyyədə hazırlaşmışdıq. Ancaq təəssüf ki, belə alındı.

- Püşkatmadan sonra “Qəbələ”ni rahat keçəcəyinizi düşünmüşdüz? Xatırladım ki, bu günə kimi heç bir Azərbaycan klubu Fransa təmsilçilərini məğlub edə bilməmişdi.
- Oyundan əvvəl “Qəbələ”nin oyunlarını izləmişdik. Bu komandanın yüksək səviyyəli oyunçulardan təşkil olunduğunu bilirdik. Bu gün də layiqli qələbə qazandılar. Hər iki komanda eyni səviyyədə idi. Düşünürəm ki, “Qəbələ”yə taktikada uduzduq.