İdman
Güləşçilərimiz olimpiyadaya lisenziya qazandı
Bolqarıstanın Samokov şəhərində yeniyetmə güləşçilər arasında Avropa çempionatı davam edir.
Azərbaycan Güləş Federasiyasından Publika.az-a verilən məlumata görə, çempionatın beşinci günündə 42, 50, 58, 69 və 85 kq çəki dərəcəsində yunan-Roma güləşçiləri mübarizəyə qoşulub.
Xatırladaq ki, bu çəki dərəcələri Nanjinqdə keçiriləcək yeniyetmələrin II Olimpiya Oyunlarına lisenziya qazandırır. FILA qaydalarına əsasən hər bir ölkə Olimpiya Oyunlarında 2 çəkidə idmançı ilə iştirak edə bilər. Güləşçilərimiz bu vəzifənin öhdəsindən layiqincə gəlib. 50 və 69 kq-da finala yüksələn güləşçilərimiz Nanjinqə 2 lisenziyanı da təmin edib.
50 kq-da mübarizə aparan Cabbar Nəcəfov finala qədər inamla güləşib. Ardıcıl olaraq Gürcüstan və Ukrayna güləşçilərini məğlub edən təmsilçimiz yarımfinalda erməni rəqibinə də şans verməyib və finala vəsiqə qazanıb. Bununla da güləşçimiz Nanjinq Olimpiya Oyunlarına vəsiqəni təmin edib. Finalda onun rəqibi Türkiyə güləşçisi olacaq.
58 kq çəkidə güləşçimiz İsrafil Yaqubzadə mübarizəyə Fransa təmsilçisi üzərində qələbə ilə başlasa da, rusiyalı rəqibinə uduzub. Ancaq rəqibin finala yüksəlməsi ilə təsəlliverici görüşə qatılan güləşçimiz Rumıniyalı idmançını üstələyib və bürünc medal şansını davam etdirib. Həlledici görüşdə İsrafil Yaqubzadə Ukrayna təmsilçisi ilə qarşılaşacaq.
69 kq çəki dərəcəsində təmsilçimiz İslambek Dadov mübarizəyə 1/16 finaldan başlayıb və ardıcıl olaraq Yunanıstan, Xorvatiya, Belarus və Ukraynadan olan güləşçiləri mübarizədən kənarlaşdırıb. Finala yüksəlməklə güləşçimiz yeniyetmələrin II Olimpiya Oyunlarına lisenziya qazanıb. Finalda güləşçimiz Almaniya təmsilçisi ilə qarşılaşacaq.
85 kq-da mübarizə aparan Soslan Fanziyev Fransa güləşçisi ilə görüşdən qalib ayrılsa da, növbəti mərhələdə Rusiya təmsilçisinə uduzub. Rəqibin finala yüksəlməsi güləşçimizə bürünc medal şansı yaradıb. Təsəlliverici görüşlərdə Fanziyev Serbiya və Almaniya təmsilçilərini üstələyib. Həlledici görüşdə onun rəqibi Macarıstan güləşçisi olacaq.
-
Magazin100:50
Sabiq nazirin idmançı kürəkəninin bu görüntüləri gündəm oldu - VİDEO
-
Qoroskop00:20
Günün qoroskopu: ünvanınıza çox tənqid səslənəcək...
-
Nəqliyyat6 May 23:16
Bu yolda sürət həddi 20 km/saata endirildi
-
Magazin16 May 23:04
İllərlə küsülü olan Brilliant Dadaşova və Abbas Bağırovun rəqsi - VİDEO
-
Dünya6 May 21:33
HƏMAS-la İsrail atəşkəs barədə razılaşdı
-
Sosial6 May 21:23
Deyirlər ki, puluna görədir... - 17 yaşlı qızla nişanlanan 37 yaşlı kişinin anası DANIŞDI - VİDEO
-
İdman6 May 21:13
22 yaşlı idmançı faciəvi şəkildə öldü
-
Qoroskop6 May 21:05
Bürclərin ən zəhlətökən xüsusiyyətləri