İdman

"Real"ın sabiq futbolçusu yenidən federasiya prezidenti seçildi - - FOTO

23 Dekabr 2017 20:55

Madrid “Real”ının və Xorvatiya futbol millisinin sabiq hücumçusu Davor Şuker yenidən 4 il müddətinə Xorvatiya Futbol Birliyinin prezidenti seçilib.

Publika.az xəbər verir ki, bu barədə təşkilatın rəsmi internet səhifəsində məlumat verilib. D.Şukerin futbol birliyinə yenidən prezident seçilməsinin lehinə 48 nəfər səs verib, 3 nəfər bitərəf qalıb, bir nəfər isə əleyhinə səs verib.

Qeyd edək ki, D.Şuker Xorvatiya Futbol Birliyinə 2012-ci ildən rəhbərlik etməyə başlayıb. Futbolçu “Real”-ın tərkibində İspaniya Super Kubokunu, Çempionlar Liqasını və Kontinentlər arası kuboku qazanıb. Xorvatiyanın milli futbol komandasında isə 69 oyun keçirib və 45 top vurub.