İdman

"Real" Qaret Beyli aldığı qiymətdən aşağı satışa çıxardı

27 Aprel 2018 14:33

“Real Madrid” Qaret Beyli satışa çıxarır.

Publika.az İspaniya mətbuatına istinadən xəbər verir ki, klub uelsli ulduzu yayda transfer etmək niyyətindədir.

Xəbərə görə, "Kral klubu" təcrübəli oyunçuya 90 milyon avroya qiymət qoyub.

Qaret Beyl “Tottenhem” və “Bavariya” kimi klubların diqqətindədir. Almaniyanın “Bild” nəşrinə açıqlama verən futbolçu isə “futbolda heç bir şey üçün “əsla” deyə bilməzsiniz. “Bavariya” hər zaman Avropanın ən güclü komandalarından biri olub və adımın belə bir klubla yanaşı çəkilməsi xoş hissdir. Amma hazırda "Real"ın futbolçusuyam və burda çox xoşbəxtəm” deyib.

Qeyd edək ki, Qaret Beyl 2013-cü ildə “Tottenhem”dən “Real”a 101 milyon avro qarşılığında keçib. Hazırda “Transfermarkt”da 70 milyon avro qiyməti olan oyunçu bu mövsüm çıxdığı 33 oyunda 14 qol vurub, 8 məhsuldar ötürmə edib.

Zümrüd